Kapen armë e municion në Gjakovë

14:39 | 3 Gusht 2017
Arbresh.info

Policia në Gjakovë në kuadër të masave të shtuara të sigurisë në sezonin veror dje në dy raste ka konfiskuar armë dhe municion.

Forcat e rendit bëjnë me dije se në një rast të dhunës familjare kanë konfiskuar dy armë automatike dhe 49 copë municion.

“Në një rast tjetër policia është informuar për të shtëna me armë zjarri në rrugën ,,Skënderbeu” në Gjakovë. Menjëherë patrullat kanë identifikuar automjetin e dyshuar dhe gjatë kontrollit në bagazh i janë gjetur dhe konfiskuar një armë automatike, dy armë zjarri të shkurtra dhe 54 copë municion”.

Poashtu bëhet e ditur se në këto dy raste policia ka arrestuar personat e dyshuar dhe ndaj tyre po vazhdon procedura hetimore në bashkëpunim me Prokurorinë Themelore në Gjakovë.

Shpërndaje në rrjete sociale

Lajmet më të lexuara

Të ngjashme

Foto lajm